டாக்டர் பொன்.கௌதம் சிகாமணியை பற்றி

டாக்டர் பொன்.கௌதம் சிகாமணி திராவிட சிந்தனையாளர் குடும்பப் பின்னணி, அவருக்கு வெகு இயல்பாக திராவிட கருத்தியல் அறிமுகத்தை அவரது மழலை பருவந் தொட்டே சாத்தியமாக்கியது . எனவே அவரது பள்ளிப் பருவந் தொட்டே திராவிட முன்னேற்றக் கழக செயல்பாடுகளில் ஆர்வம் கொண்டவராக, பங்கேற்பவராக ஆக்கியது. அண்ணாமலை பல்கலையில் ராஜா முத்தையா மருத்துவக் கல்லூரிக் காலங்கள் திமுக மாணவரணி செயல்பாடுகளில் முன்னிலை ஏற்க வாய்ப்பளித்தது. சென்னை ராமசந்திரா மருத்துவக் கல்லூரியில் மருத்துவ மேற்படிப்பு , எம் . எஸ் ( ஆர்த்தோ) படித்த காலம் , திமுக இளைஞரணியின் முன்னணி தொண்டராகும் அரிய வாய்ப்பை வழங்கியது. அன்றைய இளைஞரணி தலைவர் , இன்றைய திமுகவின் ஆற்றல் மிகு தலைவர் தளபதி மு. க . ஸ்டாலின், அவர்களின் கடுமையான உழைப்பு அவரைப் பெரிதும் கவர்ந்தது. அந்த ஈர்ப்பின் விளைவால் விழுப்புரத்தில் 2003 ஆண்டில் உருவானது , “தளபதி நற்பணி மன்றம் ‘. திராவிட முன்னேற்றக் கழகத்தின் வரலாற்றுக் காலம் நெடுக அதன் தீவிர செயல்பாடுகள் இருவேறு தளங்களில் இயக்கம் கொள்வதையே அதன் வழிமுறையாக கொண்டிருந்தது. முதலும் அதி முக்கியமானதும் நேரடியான கழக இயக்கச் செயல்பாடுகள். அது இயக்கச் செயல்பாட்டாளரை எளிய மக்கள் தொகுதியினூடாக திரளச் செய்வது, திரண்டவரை, ஒருமுகப்படுத்தி இயக்கமயமாக்கி முன்னகர்த்துவது என்பதாகும். இன்னொரு தளம் சமூக /பண்பாட்டுத் தளத்தில் வெகுமக்கள் வெளியில் இயக்க சிந்தனைகளை, அதன் நோக்கங்களை பரப்புவது. இந்தப் பணியை , திமுக துவங்கப்பட்ட காலந்தொட்டே, இயக்கத்தின் துணை அமைப்புகளே நிகழ்த்தி சாதனை நிகழ்த்தின. இது ஒரு விரிந்த தளம் . கலை இலக்கியம் , நாடகங்கள், கலாச்சாரம் மற்றும் விளையாட்டு என்ற பெரும் பரப்பு. இந்த சமூக பண்பாட்டு நடவடிக்கைகளில், கௌதம சிகாமணி அவர்கள் உருவாக்கி,ஒருங்கிணைத்து தலைமை ஏற்ற ‘தளபதி நற்பணி மன்றத்தின் ‘ தேர்வு விளையாட்டு மற்றும் மருந்துவம் சார்ந்ததாக இருந்தது இயல்பானதே. காரணம் அவரே ஒரு விளையாட்டு வீரர் , கல்லூரி அளவிலான, மருத்துவ கல்லூரிகளுக்கிடையிலான போட்டி விளையாட்டுகளில் கூடைப்பந்து மற்றும் கைப்பந்து அணிகளில் விளையாடியவர். மருத்துவம் அவரது கல்விப்புலம் சார்ந்த துறை. 2003 துவங்கி இன்றளவும் வலுவாக இயங்கி வரும் இந்த அமைப்பின் செயல்பாடுகள் பல பல . அவற்றில் முக்கியம் கருதி தகவல்கள் கீழே .